சுமந்திரனின் அரசியல் மற்றும் சமூகப் பணிகள்:
ஆரம்பத்தில் தமிழ்த்தேசியம் மற்றும் கட்சி சார்ந்த வழக்குகள் தொடர்பாகவும், அரசியலமைப்பு சீர்திருத்தம் தொடர்பாக திறைமறைவில் செயற்ப்பட்ட இவர், 2010 இல் தமிழ்த் தேசியக் கூட்டமைப்பை (TNA) பிரதிநிதித்துவப்படுத்தும் தேசியப் பட்டியல் நாடாளுமன்ற உறுப்பினராக இலங்கை நாடாளுமன்றத்திற்கு நியமிக்கப்பட்டார். பின்னர் 2015 மற்றும் 2020 ஆம் ஆண்டுகளில் இடம்பெற்ற நாடாளுமன்றத் தேர்தலில் வெற்றிபெற்று தொடர்ந்தும் நாடாளுமன்ற உறுப்பினராக செயல்ப்பட்டு வந்தார்.
திரு. சுமந்திரன் அவர்கள் கடந்த 15 வருடங்களுக்கு மேலாக; ஆட்புலம், ஆதாரம், ஆளுகை என விழிக்கப்பட்டும் ஒவ்வொரு தமிழ்த்தேசிய களத்திலும் தனது முழுமையான பங்களிப்பை செய்ததுமல்லாமல், ஊழலிற்கெதிராக பல காத்திரமான நடவடிக்கைகளையும் எடுத்திருந்தார்.
இவர் அன்றும் இன்றும் பல பொதுநல வழக்குகளை மக்களுக்காக இலவசமாக பேசி வருகின்றார்.
வடக்கு மற்றும் கிழக்கு மாகாணங்களில் நிலங்களை நிர்வகிப்பதற்கான விசேட நில சுற்றறிக்கை 2011/04க்கு எதிரான தடை உத்தரவும் FR வழக்கும் | எமக்காக சுமந்திரன் பேசிய வழக்குகள்
2011 நவம்பர் 20 ஆம் திகதிக்கு முன்னர் வடக்கு மற்றும் கிழக்கைச் சேர்ந்த மக்கள் காணிகளை பதிவு செய்ய வேண்டும் என்ற பொது அறிவித்தல் ஒன்றுடன் கூடிய 'வடக்கு மற்றும் கிழக்கு மாகாணங்களில் நிலங்களை நிர்வகிப்பது தொடர்பான நடவடிக்கைகளை ஒழுங்குபடுத்துதல்’ என்ற தலைப்பில் சுற்றறிக்கை ஓன்றை ஆடி மாதம் (சுற்றறிக்கை எண்: 2011/04) காணி ஆணையாளர் ஜெனரல் வெளியிட்டிருந்தார்.
வடக்கு மற்றும் கிழக்கைச் சேர்ந்த மக்கள் தங்கள் சொத்தின் உரிமையை உறுதி செய்வதற்காக பிம்சவியா திட்டத்தின் கீழ் நிலம் பதியப்பட வேண்டும் என்பதே இதன் அர்த்தமாகும். இது நில உரிமைகோரல்களை எவ்வாறு முடிவு செய்யலாம்? நிலம் தொடர்பாக வழங்கக்கூடிய உரிமை மற்றும் கட்டுப்பாடு உள்ளிட்ட முக்கிய விடயங்களில் தாக்கங்களை ஏற்படுத்துவதாக இருந்தது.
சுமந்திரனின் நடவடிக்கை:
2011 ஆம் ஆண்டு ஒக்டோபர் மாதம் மேன்முறையீட்டு நீதிமன்றம் காணி ஆணையாளர் நாயகம் மற்றும் ஏனைய பிரதிவாதிகள் இக் காணி சுற்றறிக்கையை அமுல்படுத்துவதற்கு எதிராக இடைக்காலத் தடைவிதிக்கக் கோரி தமிழ்த் தேசியக் கூட்டமைப்பின் நாடாளுமன்ற உறுப்பினர் சட்டத்தரணி எம்.ஏ.சுமந்திரனால் தாக்கல் செய்யப்பட்டது.
(SC FR 494/2011) எம்.ஏ. சுமந்திரன் எதிர். R.P.R ராஜபக்ஷ) மற்றும் பலர் CA ரிட் 620/2011
விளைவு:
காணி ஆணையாளர் நாயகம் மற்றும் ஏனைய பிரதிவாதிகள் காணி சுற்றறிக்கை இலக்கம் 2011/04 ஐ அமுல்படுத்துவதிலிருந்து தடைசெய்யும் இடைக்கால உத்தரவு பிறப்பிக்கப்பட்டது.
பயன்:
காணி சுற்றறிக்கையை அரசாங்கம் மீள்பரிசீலனை செய்து வருவதாகவும், இதற்காக குழுவொன்று நியமிக்கப்படலாம் எனவும் சட்டமா அதிபர் திணைக்களம் நீதிமன்றத்திற்கு அறிவித்தது. வழக்கின் விளைவாக ஜனவரி 2012 இல் அவர் சுற்றறிக்கை அரசாங்கத்தால் திரும்பப் பெறப்பட்டது.